Drugs, that's a dirty business ( Marlon Brando, Move - Godfather , 1975)

 Narcotics a dirty business  ഇരുപതാം നൂറ്റാണ്ടിൽ Jacky ആയി 1987 ഇൽ മോഹൻലാൽ പറഞ്ഞ ഡയലോഗ് അതിനും പതിനഞ്ചു വര്ഷം മുമ്പ്  Drugs, that's a dirty business എന്ന് Marlon Brando ഗോഡ് ഫാദർ എന്ന അമേരിക്കൻ സിനിമയിൽ പറഞ്ഞു. ഇത് രണ്ടും തെരഞ്ഞു പിടിച്ചു  പറയേണ്ട അവസ്ഥയിലേക്ക് കേരളം മാറി.മലയാളനാട്ടിന്റെ ഇപ്പോഴുത്തെ അവസ്ഥയെ കുറിച്ച് എങ്ങനെ വിവരയ്ക്കും എന്ന് ചിന്തിക്കാൻ തുടങ്ങിയിട്ട് കാലം കുറെ ആയി. എഴുതുന്നത് ലഹരി വ്യവസായത്തെ കുറിച്ചാണ്, ചെറിയ വിഷയം അല്ല എന്ന ചിന്ത എന്തെങ്കിലുമൊക്കെ പറയുന്നതിൽ നിന്നും പലതവണപിന്തിരിപ്പിച്ചു എന്നതാണ് സത്യം. 2000 ത്തിനു ശേഷം മാത്രം  ലഹരിക്കെതിരെ എഴുതിയ നൂറുകണക്കിന് പത്ര പ്രവർത്തകരാണ് മെക്സിക്കോ പോലെയുള്ള രാജ്യങ്ങളിൽ കൊല്ലപ്പെട്ടിരിക്കുന്നതു. കേരളം ആരീതിയിൽ ഇതുവരെ എത്തിയില്ല എന്നത് ആശാവഹമാണ്.

ലഹരിയുടെ ഒഴുക്കത്തെ കുറിച്ചോ വിപണനത്തെ കുറിച്ചോ അതിന്റെ പിന്നിലെ മോട്ടീവ് നെ കുറിച്ചോ പറഞ്ഞാൽ പറഞ്ഞുവരുന്ന വിഷയത്തിന്റെ ഫോക്കസ് മാറിപോകുമെന്നതിനാൽ അതിനെ കുറിച്ചൊന്നും പറയാൻ ശ്രമിക്കുന്നില്ല. ഇപ്പോൾ കേരളത്തിൽ നടക്കുനാണ് ലഹരി കച്ചവടം കക്ഷി രാഷ്ട്രീയമോ  ജാതിമതചിന്തയോ ഒന്നും നോക്കാതെ നടക്കുന്ന തീവ്രവാദ പ്രവർത്തനം എന്ന് മാത്രമേ വിളിക്കുവാൻ കഴിയുന്നുള്ളു. എല്ലാ മതത്തിലുള്ളവരും രാഷ്ട്രീയത്തിലുള്ളവരും ലഹരിയുടെ ദൂഷ്യവശങ്ങളുടെ ഇരകളായി മാറുന്നു. ഒരു കുട്ടിയെ കേരളിത്തിൽ വലതുകൈ എന്നത് രക്ഷകർത്താക്കളെ സംബന്ധിച്ചെടുത്തോളും തീരാ തലവേദനയും.

ലഹരിയുടെ കഥ കൂടുതലായി അറിയണണമെങ്കിൽ നെറ്ഫ്ലിസ്റ്റിൽ പോയി പാബ്ലോ എസ്കോബാർ , എൽച്ചാപ്പോ പോലെയുള്ളവരെ കുറിച്ചുള്ള ഡോക്യൂമെന്ററികൾ കണ്ടാൽ മതി.  അമേരിക്കയും കൊളംബിയയും മെക്സിക്കോയും മാറ്റി അഫ്ഗാനിസ്ഥാനും പാകിസ്ഥാനും ചൈനയും ഇന്ത്യയുമൊക്കെ ആക്കി ആ സീരീസുകൾ കണ്ടാൽ വരും നാളുകളിൽ നിയന്ത്രണമില്ലാതെ ലഹരി കച്ചവടം നടന്നാൽ നമ്മുടെ നാട്ടിൽ എന്ത് സംഭവിക്കുംമെന്നതിനെ കുറിച്ച് ഒരു ഏകദേശ ധാരണലഭിക്കും . ലഹരി കച്ചവടത്തിലൂടെ കിട്ടുന്ന വലിയ സാമ്പത്തികം ( പാബ്ലോ എസ്കോബാർ വെടിവെച്ചു കൊല്ലപ്പെടുന്നതിന് മുമ്പ്  ലോകത്തിലെ ഏറ്റവും വലിയ സമ്പത്തിനു ഉടമയായിരുന്നു ) നമ്മുടെ രാഷ്ട്രീയവും പോലീസ് സംവിധാനവുമൊക്കെ വിലക്ക് വാങ്ങുന്നതിനു വരെ വഴി ഒരുക്കും. അതൊക്കെ യാണ് മറ്റു രാജ്യങ്ങളിൽ സംഭവിച്ചിട്ടുള്ളത്. 

കേരളത്തിന്‌ മുന്നിൽ ലഹരിക്കെതിരെ പൊരുതാൻ പല വഴികൾ ഉണ്ട്, ഒന്നുകിൽ ഗവർമെന്റ് ലഹരി മാഫിയക്കെതിരെ ശക്തമായ പോരാട്ടം നടത്തുക, കഴിഞ്ഞ കുറെ കാലമായി അത് നടക്കുന്നില്ല, ലോക്കൽ രാഷ്ട്രീയക്കാർ വളം വെച്ച് കൊടുത്തിട്ടാണ് ഇത്രത്തോളും ഇത് വളർന്നത്, അതല്ലെങ്കിൽ ലഹരിക്ക്‌ കീഴടങ്ങി കേരളവും ലോക നിലവാരത്തിലേക്ക് ഉയരുക. ( പല രാജ്യങ്ങളിലും കഞ്ചാവ് നിയമപരമായി വാങ്ങുവാൻ കഴിയും , 2018 ഇൽ കാനഡയും 2023 ഇൽ അമേരിക്കയിലെ 24 സ്റ്റേറ്റ്കളും cannabis (marijuana) നിയമപരമായി ലഭിക്കുന്ന നിയമം പാസാക്കി.)

2007 മുതൽ ബാംഗ്ലൂർ ജീവിച്ചിരുന്ന വ്യക്തി എന്ന നിലയിൽ ചുരുക്കം ചിലപ്പോൾ പലരും മദ്യം അല്ലാത്ത ലഹരി ഉപയോഗിക്കുന്നത് കാണുവാൻ അവസരം ലഭിച്ചിട്ടുണ്ട്. അതിൽ IT ക്കാരും സ്റുഡന്റ്സും ഒക്കെ വരും. കൂടെ ജോലി ചെയ്യുന്നവർ അവരുടെ പാർട്ടികളിൽ ഇത് ഉപയോഗിച്ചതിനെ പറഞ്ഞു കേട്ടപ്പോഴൊന്നും ഒരിക്കൽ പോലും ( മുൻപിലേക്ക് വെച്ച് നീട്ടിയിട്ടുള്ളപ്പോഴും ) റൂമിൽ നിന്നും ഇറങ്ങി പോകുവാൻ പറഞ്ഞതല്ലാതെ അതിന്റെ രുചി അറിയണം എന്ന് തോന്നിയിട്ടില്ല.  അതിന്റെ പ്രധാന കാരണം ഉള്ളിന്റെ ഉള്ളിൽ ഉറങ്ങി കിടക്കുന്ന കായികതാരം എന്ന ചിന്തയാവും. ഒരു പക്ഷെ ലഹരിക്കെതിരെയുള്ള ഏറ്റവും വലിയ പ്രതിരോധം കായിക വിനോദങ്ങളോട് കുട്ടികളിൽ അഭിരുചി വളർത്തുക എന്നത് മാത്രമാണ്. ശരീരത്തിൽ ഒരു ടാറ്റൂ പോലും വരക്കാത്ത എല്ലാ മൂന്നു മാസം കൂടുമ്പോഴും രക്തം ദാനം ക്രിസ്റ്റിയാനോ റൊണാൾഡോയും മെസ്സിയും  ഡേവിഡ് ബേക്കമുമൊക്കെ കുട്ടികളുടെ ഹീറോകൾ ആകേണ്ടതിന്റെ ആവശ്യകത കാലഘട്ടത്തിന്റേതു കൂടിയാണ്.  പണ്ടൊക്കെ സ്കൂളിൽ പോകുമ്പോ 'അമ്മ പറയുമായിരുന്നു, റോഡിൽ ആരെങ്കിലും നിന്ന് മിഠായി തന്നാൽ വാങ്ങി കഴിക്കരുതെന്ന്, അതിൽ മയക്കു മരുന്ന് ഉണ്ടാകും, നമ്മളെ തട്ടിക്കൊണ്ടുപോയി  കണ്ണും കിഡ്‌നിയുമൊക്കെ ചൂഴ്‌ന്നെടുക്കുമെന്നു  . എന്നാൽ ഇന്ന് കൂട്ടുകാർ തരുന്ന മിഠായി പോലും വിശ്വസ്തയോടെ വാങ്ങി കഴിക്കാൻ പറ്റാത്ത അവസ്ഥയിൽ നമ്മുടെ നാട് എത്തി എന്നതൊരു ഞെട്ടിക്കുന്നവസ്തുതയും. ഈ ദുരവസ്ഥയിൽ നിന്നും കര കയറുവാൻ കേരളത്തിന് ആവട്ടെ എന്ന് മാത്രം പ്രാർത്ഥിച്ചുകൊണ്ട്. 

സവീഷ്.