പാഴായിപോയ പ്രതിരോധം!! (ഭാഗം - 1)

ഏകദേശം ഒരു വർഷം മുമ്പാണ് ഫെസ്ബുക്കിൽ കോവിഡിനെ കുറിച്ച് വീഡിയൊ ചെയ്തത്. ഏകദേശം 2.5 M ആളുകൾ കാണുകയും അതിനാൽ അവർ കോവിഡിനെതിരെ പ്രതിരോധവും അവയർനെസ്സാവുകയുമൊക്കെ ചെയ്തിട്ടുണ്ടാവണം.എന്നാൽ 2021 പിറന്നത് ബാഡ്ലക്കോടെയാണ്. ജനുവരി പത്തിനകത്ത് അറിയാത്ത ഉറവിടത്തിൽ നിന്നും ഞാനും ഇൻഫെക്ടഡ് ആയി.

ജനുവരി പതിനാറാം തീയതി ഉച്ചക്ക് ശേഷം സമീപകാലത്തെങ്ങും ഇതുവരെ അനുഭവിച്ചില്ലാത്ത ക്ഷീണത്തോടെ തലവേദനയും ചൂടുമായി പനി വന്നു. വീട്ടിലിരുന്ന് ജോലി ചെയ്യുന്നതിനാലും അധികം ആൾകൂട്ടത്തിൽ പോകാത്തതിനാലും എവിടെ പോയാലും സാനിട്ടൈസറും മാസ്കും ഉപയോഗിക്കുന്നതിനാലും കോവിഡ് ആകുമെന്ന് ഒരിക്കലും കരുതിയില്ല. മാത്രവുമല്ല ഒരു പാരസെറ്റമോൾ കഴിച്ച് കുറച്ച് നേരം മയങ്ങിയ ശേഷം ഒരുണർവ് കിട്ടി , അപ്പോൾ പിറ്റേന്നത്തെ മണ്ണൂർക്കാവ് ഉത്സവത്തിന് പങ്കെടുക്കാനായി തിരുവനന്തപുരത്ത് നിന്നും നാട്ടിലേക്ക് കാറെഡുത്ത് ഇറങ്ങി.വളരെ പണിപ്പെട്ട് എനർജി ഡ്രിങ്കിൻ്റെ ഒക്കെ സഹായത്താൽ സാധാരണ രണ്ടര മണിക്കൂറിൽ മൈനാഗപ്പള്ളി പിടിക്കുന്ന ഞാൻ ഏകദേശം നാല് മണിക്കൂറെഡുത്ത് നാട്ടിലെത്തി.

ഒൻപതാം ഉത്സവം കഥകളിയുടെ ദിവസമായതിനാൽ കുറച്ച് നേരം കളി കാണാൻ മോഹമുണ്ടായിരുന്നു. പുറംവേദന കിടന്നെടുത്ത് നിന്ന് ഒന്നു തിരിയാൻ പോലും അനുവദിക്കുന്നുണ്ടായിരുന്നില്ല. അസഹ്യമായ ദേഹം വേദനകാരണം അന്ന് രാത്രി ഉറങ്ങുവാൻ കഴിഞ്ഞില്ല. പിന്നല്ലെ കഥകളി!!!

പിറ്റേന്ന് തന്നെ തിരികെ വരേണ്ട ആവശ്യമുണ്ടായിരുന്നു. പതിനൊന്ന് മണിക്ക് കഞ്ഞി കുടിച്ചിട്ട് പനി വന്നാൽ എപ്പോഴും പോകുന്ന പരമേശ്വരൻ പിള്ളയുടെ ആശുപത്രിയിൽ പോയി, കോവിഡ് സീസണായതിനാൽ അവർ ഒരിഞ്ചക്ഷനും ഒരു ദിവസത്തേക്കുള്ള മരുന്നും തന്നു.പണ്ടൊക്കെ എപ്പോൾ പനി വന്നാലും പോയെടുക്കാറുള്ള പരമേശ്വരൻ പിള്ള സ്പെഷ്യൽ ഇഞ്ചക്ഷൻ ഉൻമേഷം തിരികെ തന്നു.

അങ്ങനെ ഉച്ചക്ക് ഉത്സവഊണും ഉണ്ട് വൈകുന്നേരം അമ്പലത്തിൽ സകുടുംബം കയറി തൊഴുത് തിരികെ പട്ടമെത്തി.

തിങ്കളാഴ്ചയും നല്ലക്ഷീണമനുഭവപ്പെട്ടു, പാരസെറ്റമോളും കഴിച്ച് കുറെ നേരം കിടന്നുറങ്ങിയപ്പോൾ വല്ലാത്ത ആശ്വാസം.

തൊട്ടടുത്ത ദിവസം മുതൽ ചെറിയ ക്ഷീണമുണ്ടായിരുന്നെങ്കിലും അത് വകവെക്കാതെ സുഹുത്ത് സജസ്റ്റ് ചെയ്ത ഒരു ആൻ്റിബയോട്ടിക്കുമെടുത്ത് ജോലിക്ക് കയറി.

ഒന്ന് രണ്ട് ദിവസം കൂടി കഴിഞ്ഞപ്പോൾ എൻ്റെ പനി വിട്ടു. ഞാൻ ബാഡ്മിൻ്റണും കുറച്ച് നടത്തയുമൊക്കെയായി പതിയെ നോർമൽ ജീവിതത്തിലേക്ക് തിരികെ വന്നു...

(Date - 21/1)

അപ്പോഴൊന്നും ഞാനറിയുന്നുണ്ടായിരുന്നില്ല ഞാൻ ഇൻഫെക്റ്റഡ് ആയിരുന്നുവെന്ന്...

(കുട്ടി കോവിഡ് സ്റ്റോറി തുടരും...)